Hei blogg!
No er det tid for mitt aller siste blogginnelgg her på bloggen. Me har nemleg vore på den aller siste turen vår. Turen gjekk til Storøyna i Barsnesfjorden. Me reiste torsdag 3. mai og kom tilbake fredag 4. mai. Dagen starta med litt geofag og tysk før me møtte opp på friluftslivslageret for og hente lavvo, stormkjøkken og presenning. Etter dette bar det nedover mot Helgheim. Ole Karsten var med oss som lærar.
Då me var framme ved Helgheim la me frå oss alt utstyret, og sette oss ut i kanoane. Me padla litt att og fram, så instruerte Ole Karsten oss litt i padleteknikar, så padla me litt til. Det var nydeleg vær, så me kunne få flott tan. Eg har padla ein del kano i elvane og vatna i Svardalen før. (Fun fact: Svardalen er ein plass 15 min. ifrå Eikefjord med 9 innbyggjarar lns.) Etter at me hadde padla litt så for me opp på land for å ta oss ein liten matbit. Då me var ferdige med å ete hadde me litt diverse leikar. Ole Karsten måtte reise etter at me hadde leikt ei lita stund, så då måtte me vente litt på Marte som skulle ta over som lærar. Eg benytta pausen til å handle inn litt ekstra mat og drikke.
Då Marte kom, fylte me opp kanoane med utstyr og padla av gårde. Kristian og eg satt i kano ilag, og me skulle alltid halde oss i nærleiken av Vilde og Susanne. Veret var fortsatt fint og det var blikkstille på fjorden, så turen til øya gjekk som ein draum. Me passa og på å halde oss nær land heile vegen i tilfelle me skulle velte.
Då me kom fram til øya, gjekk me rundt og utforska litt. Øya var overraskande stor, og hadde til og med ei fotballbane. Fotballbana var imedlertid ikkje til nokon hjelp, då me ikkje hadde med oss nokon fotball. Me fann ein nydeleg plass å sette opp lavvoane på. I det me starta å sette opp lavvoane starta det og å regne litt.
Etter at lavvoane var på plass, starta me med middagen. Eg var på middagsgruppe med Karoline og Dag. Det var taco som stod på menyen. Den vart meget vellukka og smakte fantastisk.
Ei stund etter middagen kom Torgeir og ein liten snue innom øya. Me satte opp ein presenning så alle kunne sitte der i ly for regnet, og laga eit bål som alle kunne sitte rundt.
Dei fleste leikane me hadde planlagt å leike på forhånd var ikkje så fristande ute i regnet, så me holdt oss under presenningen. Der spelte me litt mafia og litt div.
Så var det leggetid. Eg sov ganske godt, og lavvo var den klart mest behagelege overnattingsforma me har prøvd ut i løpet av året på friluftsliv.
Regnet hadde gidd seg, så etter at alle hadde fått i seg litt mat, var det tid for "spark på flaske". Dette var veldig kjekt. Då klokka var ca halv 12, byrja me å pakke saman og gjere oss klare for heimturen.
Det var litt meir bølgjer enn på vegen inn, men det var ikkje noko problem for oss. Etter at me hadde sett på plass kanoane, måtte me nett opp på skulen å levere fellesutstyret før me kunne gå.
Alt i alt tykkjer eg det var ein svært flott tur. Den einaste store nedturen iløpet av turen var då eg måtte legge tilbake nokre bollar sidan eg ikkje hadde råd til å betale dei på butikken. Det vart heller ikkje nokon bilder på bloggen denne gangen, sidan eg ikkje har noko kamera og turen var utan telefon.
Måla for turen var:Planlegge, gjennomføre og vurdere turar knytta til lokal friluftslivstradisjon.
Planlegge, gjennomføre og vurdere tur med overnatting ute over flere dager i vannmiljø.
Behandle og vedlikeholde redskap og utstyr slik at det til enhver tid er i orden.
Vurdere betydningen av hensiktsmessig bekledning for ulike typer friluftsliv.
Gjøre rede for og praktisere de bestemmelsene som gjelder for friluftsliv og allmenn ferdsel i utmark.
Vise kjennskap til den naturen eleven ferdes i, og praktisere et friluftsliv der hensynet til naturen er overordnet.
Forklare de mest alminnelige varsler naturen gir oss.
HA DA KJEKT!
Eg tykkjer me utførte alle måla på ein framifrå måte.
Heile gruppa fungerte godt ilag. Kajakk, lavvo og matgruppene eg var på fungerte også meget bra.
Eg hadde aldri før satt opp ein lavvo, så det var noko nytt eg lærde meg.
Dette var som sagt den siste turen vår i år, og eg vil takke alle medelevar og lærarar for eit flott år.
Hade blogg.
